Samhandlingssjefen

– Etter kvart som det blei klart at samhandlingsreforma ville tvinga fram samarbeid mellom små kommunar, tok helsesjefane i dei fire kommunane Suldal, Sauda, Vindafjord og Etne til å tenkja om det var muleg å gjera noko saman. Me sette oss ned og laga ei oversikt over kva me hadde, og kva me mangla i kvar kommune. Av resultatet trekte me ut område der me såg det ville vere tenleg å samarbeida, fortel Aslaug Tangeraas som på den tida var kommunalsjef for helse og omsorg i Sauda.

Politikarane på laget

Vegen vidare var å ta samarbeidstankane med til politisk behandling i dei fire kommunane. Kommunestyra sa seg i første omgang positive til ein søknad om tilskot til Helsedirektoratet. I januar i år gjorde alle kommunane vedtak om å slutta seg til prosjektet, og at det skulle setjast ned ei styringsgruppe og ei prosjektgruppe. Aslaug Tangeraas blei tilsett som leiar, og for omlag ein månad sidan var prosjektet stabla på beina.

  Tida så langt har stort sett gått med til å finna folk som skal vera med i prosjektet. Brukarane skal spela ei viktig rolle, og me skal ha dei med frå alle kommunane i både prosjekt- og styringsgruppa. Tilsette frå kommunane skal også vera med, og det har vore ei utfordring å finna dei rette personane som alle kan samla seg om.

 ei to gruppene er nå på beina, og prosjektgruppa har hatt sitt første møte. Medlemmene i styringsgruppa skal møtast for første gong i slutten av mai, fortel Tangeraas.