Ivrige gründerar

Det er Suldal kommune som kvart år inviterer Ungt Entreprenørskap Rogaland og Suldal Vekst, saman med nærings-livet i Suldal, til idéverkstad for elevar i niande klasse. Målet er at elevane skal arbeida med ei reell problemstilling gjennom kreative prosessar i grupper, og komma fram til idear og løysingar som i slutten av dagen blir presenterte for ein jury med representantar frå både kommunen og næringslivet. 

Problemstillingar

Halvparten av elevane arbeidde med å komma fram til løysingar på korleis ein kan forma møtestader som eit positivt samlingspunkt for ungdommen, og resten av elevane arbeidde med korleis kommune, skule og lokalt næringsliv kan rettleia og råda ungdommen best muleg når dei skal velja utdanning og yrke.

 rine Bjerga i Ungt Entrprenørskap engasjerer ungdommen og får dei raskt i gang med kreativ tenking når ho introduserer dagens første gruppeoppgåve. Elevane skal ved hjelp av marshmallows og spaghetti laga det høgaste tårnet, men som tålar eit fall på ein meter, utan å bli øydelagt. Elevane brettar opp på ermene og gjer seg klare. Bjerga har tydeleg skjønt kva som får fart på dei unges engasjement, og ho gler seg til å sjå presentasjonane til elevane i mot slutten av dagen.

  Samfunnet treng unge og vaksne som tenkjar nytt og ser nye løysingar rundt oss, i kvardagen og på arbeidsplassen, seier Bjerga og oppfordrar elevane til å leika med idéar dei har.

  For det er slik nye ting oppstår, seier motivatoren.  

Gode løysingar

Det mangla ikkje på kreativitet då ungdommen fekk setja i gang med å klekkja ut løysingar på dei to problemstillingane, og juryen fekk ei vanskeleg oppgåve med å plukka ut ein vinnar frå kvar av dei.  

 or å samla ungdommane kom det forslag frå elevane om å laga til ein ungdomsverkstad for ungdommar som er motorinteresserte, slik at dei kan fiksa på mopedar og bilar. Ein slik stad ville også spara foreldra for vedlikehaldsarbeid på dei motoriserte kjøretøya. Ei anna gruppe ønskjer å pussa opp ein gamal westamaran som hentar ungdommen ein gong i månaden. På båten skal det blant anna vera kiosk, ein stad dei kan lytta til musikk og ein stad dei kan spela spel. Ei anna gruppe føreslår å forbetra dei ulike møteplassane som dei allereie har i dag, med både betre møbler, musikkanlegg med meir. Og på Sand er det ønskje om ein møteplass utanom kulturhuset. Det kom også forslag om at ein buss plukkar opp ungdommen der dei samlast for til dømes å gå tur i fjellet, dra på fisketur, bowla eller laga mat i saman.