Deler feltet

I samband med at sjef for But, Johan Sivertsen, gjekk av med pensjon nyleg, har kommunen bestemt at det ikkje skal søkjast etter ein ny til å ta over stillinga hans.

Meir å gjera

– Han hadde ei 80-prosent stilling som leiar for barnevernet og pedagogisk psykologisk teneste (PPT), og den stillinga kom til i ei tid då det var svært få saker i båe etatane, forklarar oppvekstsjef Sigrund Kleppa. Nå har saksmengda auka monaleg i båe etatar og det gjer at krava til leiing og blir større begge plassar, seier ho. Sjefsstillinga blir derfor delt i to.

Gir overtalig tilbodet

– For barnevernet sin del har vi lyst internt i kommunen, seier Kleppa. Det var ein søkjar til stillinga, Brith Yvonne Starheim, som har lang fartstid i barnevernet i Suldal kommune. Starheim har blitt tilbydd jobben, men har endå ikkje formelt takka ja.

  PPT vert framleis liggjande under oppvekstsjefen, men vil få ein mellomleiar.

  – Vi har valt å ikkje lysa ut etter eigen sjef for PPT, men ville finne ein mellomleiar mellom overtalege innad i administrasjonen, seier Kleppa. Eva Songe Paulsen har fått tilbod om jobben, og som med Starheim, venter kommunen no berre på ei endeleg stadfesting. Songe Paulsen er i dag skulefagleg rådgjevar i Suldal kommune. Både barnevernsleiar og PPT-leiaren vil få rådgjevande funksjonar for oppvekstkontoret. Barnevernsleiaren vil også kunne fatta eigne vedtak etter § 2-1 i lov om barnevernstenester. Oppløysinga av barne- og ungdomsetaten vil elles ikkje få nokre praktiske konsekvensar, seier Sigrund Kleppa.