Blir ikkje inkluderte

Halvor Larsen, Ann Karin Larsen og Maria Nielsen i velforeininga i Nordenden meiner kommunen må ta eit val; leggja til rette eller forby besøkjande. Midlertidige løysingar er ikkje godt nok. Som biletet viser er ingen av dei gretne. Men dei ønskjer at dei blir høyrte, at dei slepp å uroa seg for barna som leikar i gata. Og attpå til ser det ut for at det trengst fleire søppeldunkar og at folk kan rydda opp etter seg.

Maria Nielsen er overraska over at ingen av dei fastbuande blei inviterte til møtet kommunen nyleg hadde om campingforholda på Hydrokaien.

  – Og at me ”må tåla litt liv å røre”, som Lauritz Lauritzen seier, det skal me sjølvsagt, og det gjer me. Men det er trafikken me reagerer på, at dei kjører for fort i den smale gata og gjer oss uroa for barna våre, poengterer Nielsen på vegner av velforeininga.

Blir ikkje inkludert

– Var det ikkje plass i møtelokalet til at velforeininga i Nordenden kunne vera med på møtet? spør Ann Karin Larsen, Halvor Larsen og Maria Nielsen. På vegner av resten av velforeininga er dei opprørte over at dei ikkje blir inkluderte.

  – Me føler at me ikkje blir høyrt i nokon tilfelle. Me ønskjer å vera med og bidra positivt for at alle skal trivast her, seier Ann Karin og Halvor Larsen. Dei er alle samde om at dei synest det er kjekt at folk nyttar Hydrokaien og badeplassen, men ikkje når det ikkje blir tilrettelagt.

Bør ta betalt

– Anten bør kommunen setja opp ein bom og ta betaling, elles gjer me det, seier Nielsen spøkefull.

  – Men alvorleg tala, det er ikkje muleg å gjera ein mellomting i denne saka. Nielsen tenkjer ikkje berre på trafikken som ofte held ein fart på 50-60 kilometer i timen gjennom gata i Nordenden, og der fartsdumpar kunna ha løyst akkurat den utfordringa.

  – Somme tider flyt det også med søppel her i turistsesongen, og dunkane er fullstappa. Eit miljø rotter og skadedyr trivst godt i. Nei, dette går ikkje, seier Nielsen.

Les meir i papir-/pdf-utgåva