Klare for folkefest

Ryfylkedagskomiteen har alt under kontroll i førekant av dei store festdagane og kjem til å unna seg både ein og to iskremar i løpet av dei kommande dagane. F.v. Torbjørn Lillehammer, Leif Bakka, Marit Larsen, Aud Marit Hauge, Åshild Øverland og Elin T. Haugen.

Programmet startar allereie i kveld, med klassisk tangokonsert med Suldal Kammerorkester og elevar frå Kulturskulen. Resten av helga går det slag i slag frå morgon til kveld der absolutt alle kjem til å ha noko å gle seg over.

Noko for ein kvar

Fredag blir ein stor dag med tivolipark ved Rimi, internasjonal kafé og song på Nesasjøhuset, stort festivalshow på Kulturhuset med inviterte gjester, og Ole Aleksander frå The Voice spelar på Heidrun Kro ut i dei seine kveldstimar. Laurdag blir den store marknadsdagen i Sand sentrum, med over 80 utstillarar og gode tilbod i butikkane. Svoltne magar har også mykje å gle seg til, for her blir det sal av grillmat, thaimat, bakte poteter, kaker og mykje anna snadder. Alle lokala i Gata skal vera opne og fylte med noko som gjer ein titt innom til ei kjekk oppleving. Ta til dømes turen innom Mimreståvå og studer dei flotte fotografia frå slik suldølane hadde det før i tida. Kanskje ser ein seg sjølv på eitt av dei? Eller mor, far, besteforeldre og oldeforeldre?

Les meir i papir-/pdf-utgåva