Nesten siger i V75

Thai Amerique, som blir trent av Egil Stensland og køyrt av Geir Mikkelsen starta med 20 meter tillegg i laurdagens løp og "gjekk i døden", som det heiter på fagspråket, dvs gjekk på utsida av leiaren gjennom heile løpet. Då målstreken var passert hadde han henta inn ikkje mindre enn 19.90 meter, noko som vil seie at han berre mangla 10 centimeter på å hente inn heile tilleggsdistansen. Dette gav han ein velfortent andre plass. Hesten som går sin andre sesong i år blir spådd ei lovande framtid, og er allereie ein av Norges beste i sin klasse. Neste løp han har tenkt å stilla til start i, går på Bjerkebanen i Oslo 25. september, så då gjenstår det å sjå om han klarer å følgja opp prestasjonen frå Forus på "bortebane"! Den andre hesten frå Suldal, Golden Valley, som er i Liv Borghild Hoftun sitt eige og som skulle starta i same klasse som Thai Amerique, blei stroken og fekk dermed ikkje vist kva han er god for i denne omgang.