Best i Rogaland

Ungguten byrja å konkurrera på ski då han var sju år. Men først då 9-årsklassen og tidtakinga kom inn i biletet, syntes Jon Inge at det byrja bli spanande. – Eg synest alltid det er kjekt å gå på ski. Sjølv trening er gøy. Men eg må også bruka litt tid på leksene, for dersom eg skal koma inn på Hovden Skigymnas, må eg ha gode karakterer, seier Jon Inge. Så langt i år har han vore med på Korlevoll i Seljestad, Saudasprinten, Røldalsprinten og skirenn elles i Rogaland. Sist helg deltok han på Oslo Skifestival, som for høvet var flytta til Hamar, der det var meir snø. – Eg greidde ein 3. plass i klassen min, og det er eg svært nøgd med. Spesielt fordi eg greidde å slå han som slo meg på Korlevoll veka før. Då slo han meg med fem sekund, og han er også høgare enn meg, så det syns eg var bra gjort, seier Jon Inge. Eigen løypemaskin Han trener både sommar og vinter. Om somaren går det på rulleski og springing, om vinteren er det fellestreningar og individuell trening på ski. Jon Inge trenar anna kvar dag, i vel ein time, og dette året har det blitt litt meir fart på vintertreninga, sidan far hans har investert i eigen løypemaskin. – Han har køyrt opp løyper inn til skinkehuset, vel sju kilometer. Eg merkar at løypene i år er mykje betre enn åra før, det glir lettare, seier Jon Inge. Les meir i papirutgåva