Felles mål

I to sesongar har nå 15-åringar frå nesten heile kommunen samla seg i eit lag. Laget har sitt utspring i Jelsa og Erfjord, og står formelt i Erfjord idrettslag. Samarbeidslaget Erfjord/Jelsa trong fleire spelarar då dei gjekk frå sjuarfotball og til ellevarfotball, og dermed gjekk invitasjonen ut til alle aktuelle ungdommar i kommunen om dei ville vera med på samarbeidslaget. Resultatet var at det kom gutar frå alle grendene utanom Nesflaten og vart med. Øyvind Halgunset fortel at dei har blitt ein samansveisa gjeng. Sjølv om det tek mykje tid for dei som må reisa eit stykke, er det likevel ikkje noko å seia på oppmøtet. Det er klart at det går ein del tid med dette opplegget, men sidan gutane er så ivrige, taklar dei slitasjen bra. Laget vekslar på kor dei spelar kampar og kor dei trenar. Halgunset ser på det som ein styrke for laget at dei kan veksla litt på kor dei er. Når det gjekk å trena ute var dei på Jelsa, men etter at kulden sette inn har dei trent i Suldalshallen. Dei trenar kvar tysdag, og i sesongen kjem det som regel ein kamp i veka i tillegg. Dersom dei har kampfri ei veke, prøver dei å leggja inn ei ekstra trening i staden. Trass i berre ei trening saman rykte laget opp frå andre divisjon på våren, og kapra andreplassen i førstedivisjon på hausten. Noko i alle fall dei rundt laget er strålande godt nøgde med. Dette laget er ikkje det einaste gutane er med på. Dei er med på Suldalsserien med kvar sine grendelag, medan Erfjord/Jelsa spelar i kretsserien. På den måten får gutane spela mot andre motstandarar enn om dei berre skulle spela mot andre lag frå Suldal. Les meir i papir-/pdf-utgåva