Siger til ToppVolley

Austrått er blant seriens beste lag og blei vurdert som TVN-jentene sin største utfordrar. Men laurdag måtte dei sjå seg slått av eit heimelag i storform. Etter ein dårleg start med spente spelarar og ein tøff motstandar som pressa bra, tapte heimelaget første sett. Men jentene var på førehand godt drilla i korleis dei skulle spela og var gjennom heile kampen veldig gode på serve-mottak. Då dei i andre settet gjekk rolegare ut frå start, og klarte å pressa gjennom mange gode servar, tok dei seg etterkvart opp og vann settet. Pressa vidare Og heimelaget festa grepet etter andre sett. Laga spelte jamnt, men jentene frå Sand henta sikkert heim de to siste setta også og vann kampen 3-1. – Laget vårt har ei eiga evne til å dra i land sigeren når spelet går jamt, kommenterer trenar Magnus B. Johansen, som er særs nøgd med kampen. Målet er å gå ut av sesongen med samanlagt-siger i 1.divisjon junior for jenter, og etter helgas siger er både motivasjon og stemning på topp i leiren. – Med tre seriekampar og to rankingturneringar igjen er målet godt innan rekkevidde, er konklusjonen til trenar Johansen, som har stor tru på at jentene skal halda posisjonen i toppen fram til sesongslutt.