Klare for Kraftrittet

19. juni startar det første offisielle Kraftrittet frå Eide på Sand. Arrangøren er sjølvsagt Suldal Sykkelklubb. I haust arrangert klubben eit prøveritt som gjekk gjennom delar av den same traseen. Det viste seg å vera ei nyttig gjennomkjøring. Ein av erfaringane var at løypa måtte merkast betre. Difor kjem sykkelklubben til leggja ekstra innsats i å visa kor løypa går og i kva retning, med skilt og leieband. – Det skal godt gjerast å bomma på løypa i år, slår leiar i sykkelklubben Hans Sæter fast med eit smil. I år har gjengen i sykkelklubben lagt opp til spektakulære forseringar av naturen. Eit høgdepunkt på den om lag 50 kilometer lange løypa blir stigninga opp til Berge på Suldalsosen. Jarand Hindenes i sykkelklubben har sykla med kamera og lagt ut film frå den delen av løypa på Youtube. I alt ligg det ute fem videosnuttar frå ulike delar av løypa. Medlemmer som har sykla gjennom løypa i treningssamanheng har brukt om lag to og ein halv time. For somme er tida det viktigaste, medan andre satsar på å gjennomføra. Sæter håpar begge typar syklistar finn vegen til Suldal. Les meir i papir-/pdf-utgåva