Lokale fotballmønstringar

Suldalscup på Kjølvikstølen Er det eit arrangement fotballglade lag i Suldal venter på, så er det Suldalscupen! Lenge har små og store trent og ivra fram mot dette høgdepunktet i fotballsesongen. Laurdag braka det igjen laus. I år vart cupen arrangert av Haugil IL på Kjølvikstølen, Marvik. Lag frå heile kommunen var samla for å konkurrera om plassane på sigerspallen. Cupen var delt i fire klassar, frå miniknottar til gutar, med fleire lag i puljar innanfor kvar klasse. Spelarar kunne ein sjå i aksjon frå klokken 10 på føremiddagen, til premieutdelinga run- da av dagen på ettermiddagen. Det glade publikummet, som til tider var meir spent enn spelarane sjølve, stod og heia det strupen makta. Mellom kampane var det duka for påfyll i kiosken, driven av blide og effektive frivillige som sytte for at folket fekk energi til nok ein omgang med intens fotballglede. Fleire spennande kampar vart avvikla, også etter at vêret synte seg frå si mindre blide side, men dette stoppa ikkje spelarane frå å slengja seg i søla. Skadar kunne ein ikkje unngå på ein dag som denne, men dei fleste tok det med eit smil og var fort på beina att når neste kamp stod for tur. Les meir i papir-/pdf-utgåva