Idrettsåret 2011

Nokre av idrettsutøvarane frå Suldal deler sine inntrykk frå året 2011 og tankar rundt det komande året. Jon-Inge Vetrhus, ski 2011: – 2011 var eit lærerikt år. Eg har aldri trent så hardt før og i så store mengder. Eg har ikkje gått på skule sidan oktober og har kunna leva som ein toppidrettsutøvar. Den siste sesongen gjekk resultata opp og ned på grunn av eit for dårleg grunnlag. Nå merkar eg at kroppen svarar betre enn tidlegare. Nå gjekk eg renn tiande desember, der kroppen og teknikken fungerte, så sesongen nå ser lysare ut enn den gjorde i fjor. Høgdepunkt 2011: – Høgdepunktet var nok junior–NM i Selbu i mars i år. Det var ein av gongene kroppen fungerte bra førre sesong. Då gjekk eg inn til premieplass i klassen 19-20 år. Då gjekk eg mot folk som var eitt år eldre enn meg, så det er eg godt nøgd med. Så gjekk eg førsteetappe på stafett dagen etter der eg veksla som nummer åtte (av 105 lag). 2012: – Eg har betre grunnlag enn tidlegare så eg ser lyst på sesongen. Nå siktar eg meg inn mot første Norgescuphelga for juniorar på Lygna. Der skal det vera sprint i skøyting. Det trur eg blir bra. Eg trur eg er ein bra teknisk løpar og eg er naturleg eksplosiv, så eg likar stor fart og svingar. Les meir i papir-/pdf-utgåva