Bronsemedaljøren

Line Sand, som representerer Ryfylke Bowlingklubb, kapra i helga ein flott tredjeplass under junior-NM i bowling i Oslo. Dette var andre gang Line Sand deltok i junior-NM. I fjor enda ho på fjerdeplass. ?Sand fortel at det var eit ganske hektisk program, noko som kanskje påverka prestasjonane noko. ?– Laurdag spelte eg seks seriar og søndag elleve, så eg vart kanskje litt sliten. Men eg er godt nøgd med helga sett under eitt. Familieprosjekt Line fortel at ho og broren Reidar reiser rundt og konkurrerar ein del. I helga spelte dei saman i double. Det enda med ein sjetteplass. I tillegg konkurrerte Reidar på eiga hand. Han enda på 21. plass i sin klasse. Sosialt Line er oppteken med mange aktivitetar, men bowlinga har topprioritet. I fjor valde ho vekk song og piano, for å kunna konsentrera seg meir om nokre av aktivitetane ho er med på. ?I utgangspunktet er det eit lite bowlingmiljø på Sand, men nærleiken til Stavanger og Haugesund gjer at vegen til konkurransar er relativ kort. Sidan ho fekk si første bowlingkule for snart fem år sidan, har ho konkurrert. Ho har fleire grunnar til å reisa på konkurransar. – Eg har blitt kjent med mange i bowlingmiljøet, og dei treff når eg konkurrerer, fortel den stolte bronsemedaljøren.