God karusellstemning

Det var god stemning både i og utanfor lysløypa då årets første skikarusell blei arrangert måndag. Forholda var det ingen som kunne klagea på då det første rennet i skikarusellen gjekk av stabelen. Rundt 200 skiløparar i alle aldrar hadde møtt fram for å testa langrennsforma. Iver og drøs? Ikkje alle var like opptatt av resultatet eller tida, men syntest det var stas nok å gå rundt med nummer på brystet og få prøvd skia i lysløypa i eige tempo. Andre var ivrige etter å sjå om ein kanskje denne sesongen endeleg kunne gå forbi sin argaste konkurrent på resultatlista. Uansett motivasjon – stemninga var god, og det meste gjekk føre seg slik det skal på ein skikarusell. ?Og etter innsatsen i skiløypa smakte det godt med nysteikte lappar, saft, kaffi og ein god drøs i varmestova.