Vått og vellukka

Årets haustmarknad starta i ausande regn, men utover dagen tok regnet ein pause og gjorde det leveleg for både tobeinte og firbeinte mark-nadsdeltakarar. Først ute var følmønstringa. 24 føl var påmelde, og sjølv om kaldt regn piska både hestar og eigarar, vart det mange rundar i ringen på marknadsplassen medan dommarane, Arne Hjelmeland og Reidar Eiliv Time, studerte og gjorde notat. Mønstringa lokka interesserte frå heile distriktet, og det var mykje hestekunnskap å fanga opp i samtalane rundt ringen. Arrangøren hadde budd seg godt på uvær, og det var plass til mest alle utstillarane innomhus. Besøkjande kunne fråtsa i heimaspøtte skjerf, luer og sokkar, tova sålar og allslags høvla og dreia treverk på tradisjonelt marknadsvis. Og ute regjerte seljarar av landbruksreiskap, snøskutarar, og ATVar. Sjå fleire bilete i papir-/pdf-utgåva