Festdag i kyrkja

Det blei ei rørande gudsteneste, spesielt for Anna Vaage, som i helga blei vigsla til diakon av biskop Erling Pettersen.

Anna Vaage blei søndag vigsla til teneste som diakon.

  Anna Vaage har arbeidd som diakon i kommunen sidan mai i fjor. Men det var først på den solrike søndagen i helga at ho gav sitt løfte til Gud om å vera hans medarbeidar og å formidla hans kjærleik.

Meiningsfullt arbeid

Vaage blei utdanna diakon på 90-talet, men har sidan arbeidd som adjunkt og innan barnevernstenesta. Så blei stillinga som diakon ledig, og Vaage er svært takknemleg for å ha fått tenesta.

  – Eg ser på dette som veldig stort. Å vera diakon er å tena andre menneske, noko som gjer at arbeidet kjennest veldig meiningsfullt. Det kan vera sorgarbeid etter dødsfall, der folk kan komma på kontoret, eller at eg kjem på heimebesøk. Somme synest det er godt å snakka med nokon utanfor familien, medan andre ikkje har behov for det.

Varierte oppgåver

Å vera diakon inneber ein fleksibel arbeidskvardag.

  – Som diakon gjer eg også institusjonsarbeid; held andakter og samtalar med folk, arrangerer minnegudsteneste rundt allehelgensdag, deltar i kommunens kriseteam, blant anna.