Snur om Nesflaten

Roar Obrestad (Krf) har gjort heilomvending i skulesaka og er kommen til at han ikkje lenger vil slåst for å flytta ungdomssteget til Sand.

Levekårsleiaren har tidlegare refsa sine kollegaer for feilaktig forskjellsbehandling av ungdomsskulen på Nesflaten og har meint at reisevegforskjellen for øvre Suldal er for liten til å forsvara dagens ordning.

Vil ikkje utgreia meir nå

Men nå ser han ikkje lenger syn på å kjempa vidare, og innrømmer langt på veg at lysta på husfred har vunne. 

  Ein kan ikkje ta alle kampar, spørsmålet er om det er verd det, konstaterer erfjordbuen. Som saman med levekårsutvalet tysdag også sa nei til meir utgreiing, slik rådmannen i si nye innstilling har føreslått. 

  Tida er ikkje inne. Nå er skulen ein barne- og ungdomsskule, den dagen elevtalet på u-steget blir kritisk, får me ta den ballen då, seier han, som ikkje legg skjul på at engasjementet har late seg høyra.

  Men ikkje meir enn ein må rekna med.

 an svarer slik på kva som gjer at Nesflaten trass i marginal forskjell frå andre grenders reisetid nå vinn fram: – At det nå er ei grend som står åleine med gode argument, spelar nok inn. For det er berre å vedgå argumenta frå grendeutvalet i øvre Suldal er ein blåkopi av dei dåverande leiar i Erfjord grendeutval, Bjørn Sandvik, framførte. Då var me i ei økonomiske knipe, men det er ikkje tvil om at det psykologiske spelar inn nå, seier Obrestad som også er lite nøgd med fakta-rotet frå administrasjonen. 

Også Ap har skifta meining

Men også Ap har skifta syn, uavhengig av rådmannens oppdaterte minuttforskjell. Varaordførar Kari Vaage Gjuvsland (Ap)har tidlegare støtta Obrestad sine krav om likebehandling, men partifelle Klara H. Nerheim fortel at dei uansett ville gått mot rådmannens første innstilling om å overflytta ungdomssteget. 

  Me har tatt ei totalvurdering av reisevegen, som me synest blir for lang for elevane, seier Nerheim.