Tar ansvar

Det nærmar seg den store dagen der både vaksne og barn kjenner ei ekstra stor glede. Anten det er for at ein får eta så mykje is og pølser som ein berre orkar, eller fordi ein gler seg over høgtidlege, flotte minnemarkeringar og talar. Anne Marie Nielsen og Marlinn Tveit har uansett full oversikt over programmet og kjem til å sørgja for at dagen blir ei flott oppleving for alle og einkvar, uansett alder.

Kjekk erfaring

Dei unge jentene har berre positivt å seia om det å vera leiarar for ein slik komité der erfarne og vaksne har vore med i mange år. Men dei innrømmer at det var litt uvant heilt i starten, i det første møtet i februar.

  – Eg tenkte berre; oi, oi, oi, kva er det me har hamna opp i? seier Marlinn Tveit og smiler breitt når ho tenkjer på følelsen ho sat med den gong. Det er tydeleg å sjå at sjølvtillita har stege etter berre nokre månader som leiar for komiteen.

  – Nå er det berre ei kjekk erfaring å ha med seg vidare. Og sikkert positivt å ha med på CV`n, seier jentene.