Blått

Kulturhuset hadde laurdag gleda av å opna Nenad Ignjatic si nye vandre-utstilling. Godt over hundre kunstinteresserte møtte opp for å ta del på opninga av maleriutstillinga som skal stå på Kulturhuset gjennom mai månad. Hovudpersonen sjølv seier at bileta denne gongen ber preg av fjord, liv, barndom, jantelov, likestilling, familie og mykje liv.

Blått

–Eg har laga desse bileta som ei gåve til Ryfylke, seier han og forklarer at blått er ein farge som går igjen i mange av maleria. Og at grunnen er fordi Ryfylke stort sett er blått, samtidig som fargen gjenspeglar planeten vår. Musikalske innslag frå distriktsmusikarane sette startskotet for opninga, og melodien "Venskap", komponert av lokale Håkon Nielsen, vart i anledninga spelt til ære for Ignjatic. Og etter gratulasjonar og blomar frå ymse arenaer, i tillegg til opningsord frå kunstnaren sjølv, kunne folk for alvor starte jakta på den ultimate kunstaugneblinken.