Varaordførar Hans Sæter (Ap) tok initiativ til at fondstyret til slutt opna møtedørene fredag.

– Feil
Men det skulle visa seg at møtelukkinga blei gjenstand for debatt bak dei stengde dørene, og etter litt opna igjen ordførar Torkel Myklebust dørene til formannskapsalen. I pausen blei det klart at beslutninga om å opna møtet igjen kom på initiativ frå varaordførar Hans Sæter (Ap)   
– Det blir feil å lukka dørene slik, kommenterte Sæter i pausen og minna om at Fylkesmannen tidlegare har omgjort kommunens innsynsnekt i næringsfondsaker. Blant anna i 2006, då kommunen nekta innsyn i møteboka i samband med ein lånesøknad frå Ryfylkemeieriet. Fylkesmannen meinte den gong at kommunens grunngjeving for hemmeleghaldet ikkje var tilstrekkeleg for å nekta innsyn i saksbehandlinga.