 |
Hovudsida
Kva skjer?
Aktuelt
Suldalsposten
Anna
|
|
Varmt venskap
Karsten Mikkelsen, 06.02.10
Bålet varma, nye venskap blussa og stemninga var god under sjuande-klassingane i Suldal si leirskuleveke på Gullingen.
|
|
Eline Hamra til 20 i stil.
|
Opplevingane står i kø og rekkja er lang i det kolonnen av energiske elevar legg i veg på dagens tur. Med ski på beina og sekk på ryggen, følgjer dei kvarandre sine spor. Med to i front og resten av gruppa hakk i hæl, vaklar og sklir dei oppover, bortover og nedover snødekte bakkar og berg mot dagens destinasjon, leirbål, varm drikke og pinnebrød.
Undervegs får nokon seg ein uventa tur i horisontalen, ein god latter eller ei sur mine, og ein baksande utfordring i snøen, før dei vinn tilbake kontrollen og balanserer vidare i ståande stilling. Elementære utfordringar
Etter godt lag kring bålet og påfyll av mat og drikke, hopar det seg opp med energi i unge kroppar, og her er det ikkje snakk om å lagra overskotet. Loppene hoppar i blodet, og luftige svev, frie fall og hyppige møte med ei godt pudra moder jord står på programmet.
Alt har ein ende, dagen nærmar seg slutten og etterkvart ventar komlemiddag, kveldskos og ei god natts svevn før fredagen kjem med frukost, brakkevask og heimveg.
I sekken ligg sure sokkar og våte klede. I hjarta ligg gode minne.
I samhaldet har dei funne nye venner, og heime ventar kvardagen.
« Tilbake
|
|
MEININGSMÅLING
|
Ingen aktive
|
|
