Olav R. Hauge (f.v), Terje Skjølingstad og Solfrid Skjerahaug øvde på kompresjonar på Anne-dokkene.

Kommunalt nei
Over lengre tid har bygdeutvalet arbeidd for å skaffa hjartestartar til bygda, men møtte på uventa motstand då dei søkte Hjelmeland kommune om støtte. Kommunen svarte nei, trass i store avstandar og lang tid før hjelpa er på plass om eit akutt-tilfelle oppstår. Nå kan bygdefolk og tilreisande likevel få rask hjelp om det trengst. Dei viktigaste faktorane i samband med ein akutt hjartestans er nå på plass; bygdefolk i alle aldrar har lært seg hjarte-lungeredning og korleis hjartestartaren skal brukast, og hjartestartaren er lett tilgjengeleg i bygda.

Praktisk læring
– Det viktigaste i samband med ein akutt hjartestans er at dei som er like ved startar med hjarte-lungeredning straks etter at ein har tilkalla hjelp, understreka den engasjerte kurshaldaren Åsmund Tuntland. – Ikkje nøl med å ringja 113 når du opplever at du ikkje har kontroll over det som skjer. Ring gjerne med fasttelefonen, så les dei av viktig informasjon direkte, og du kan starta med hjartekompresjonar. Han gjentok gong på gong kor viktig det er at dei som er på staden startar med kompresjonar, 30 fortløpande kompresjonar og to innblåsingar. Komprimer 30 – blås 2, hald på og hald på til hjelpa er på plass, oppmoda Tuntland, som sjølv har lang erfaring som ambulansesjåfør i Hjelmeland.

Les meir i papir-/pdf-utgåva