 |
Hovudsida
Kva skjer?
Aktuelt
Suldalsposten
Anna
|
|
Neppe 2013-opning
Esther Moe, 27.02.10
Med ein sannsynleg byggjestart i 2012 er det lite truleg at snora på Sandsfjordbrua vert klipt før tidlegast 2014, ifølgje Statens Vegvesen.
|
| |
Dermed er det klart at det i alle fall ikkje blir bruopning 1. januar 2013. – Det er nok vel optimistisk, kommenterer avdelingsdirektør i Statens vegvesen, Rogaland, Arnfinn Ansok. Han meiner slutten av 2013, alternativt tidleg i 2014, er det mest realistiske nå.
Etter vegreforma ved nyttårsskiftet, er det nå Rogaland fylkeskommune som står som formell eigar av brua og det som nå heiter fylkesveg 46. Men det er vegvesenet som driv prosjektet og den vidare prosessen fram mot den dagen snora kan klippast.Ventar på vind-resultat
Per nå ventar prosjektleiinga på vindmålingsresultata frå staden, neste steg er å komma i gang med sjølve byggjeplanen. Så langt er denne forprosjektert, men prosessen med byggjeplan, anbodsgrunnlag, kontrollrekning og eventuelle grunnforhandlingar tar tid.
– Mest realistisk byggjestart nå er ein tidleg dag i 2012, meiner Ansok som karakteriserer sjølve bruprosjektet som greitt. – Det er ei såkalla fritt-fram bru, med to store spenn, men sjølve det brufaglege krev ingen spagat, kommenterer vegsjefen som meiner fylket har lagt ”ein flott kabal”. – Eit ryddig vedtak, kommenterer Ansok som også meiner marknaden i desse dagar ikkje har for galne kår å by prosjektet som altså er kostnadsrekna til 492 millionar 2009-kroner og som også inkluderer fem tunellar.
Og som i tillegg har eit rassikringsprosjekt ved Lovraeid med fylkeskommunale rassikringsmidlar tilsvarande 124 millionar kroner.
« Tilbake
|
|
MEININGSMÅLING
|
Ingen aktive
|
|
