 |
Hovudsida
Kva skjer?
Aktuelt
Suldalsposten
Anna
|
|
Enda godt
Gro Helland, 02.03.10
Ein fire år gammal gut som forsvann frå heimen sin i Postvegen på Sand natt til tysdag vart funnen nedkjølt, men i god behald, utanfor hotellet.
Politiet fekk melding om forsvinninga klokka 06.00 tysdag morgon. Det var gutens mor som oppdaga at barnet ikkje var i huset lenger, samstundes som ho såg at døra til verandaen stod open. – Guten hadde lagt seg til vanleg tid og var berre kledd i pysjamas, opplyser operasjonsleiar ved haugesund og Sunnhordland politidistrikt, Torgeir Stødle. Samstundes var det heile ti kuldegrader ute. Funnen ute
Suldal Røde kors, politiet og eit sea-king helikopter vart sett inn i leitinga etter guten, og ei hundepatrulje frå Haugesund var også på veg innover for å delta i leitinga. Klokka 07.34 fann Røde kors guten utanfor Ryfylke fjordhotel. Han var nedkjølt, men i god behald, ifølgje Stødle. Politiet veit ikkje kor lenge guten var borte, men seier det var godt han vart funnen etter det som i alle fall var halvannan time ute i det kalde vêret, og det er heller ikkje klart kvifor guten tok seg ein tur ut på eigenhand.
« Tilbake
|
|
MEININGSMÅLING
|
Ingen aktive
|
|
