 |
Hovudsida
Kva skjer?
Aktuelt
Suldalsposten
Anna
|
|
– Me har fått enormt med støtte
Gro Helland, 06.03.10
Gleda er stor hjå Anne Egebjerg og Tore Kvinen som har fått fireåringen Olav heim frå sjukehuset, etter at han forsvann frå heimen midt på natta. Nå vil dei takka alle som deltok i leiteaksjonen og alle som har støtta dei i etterkant.
|
|
Glade over å ha sonen heime att. På sjukehuset sa dei at det var berre minutt om å gjera før det var for seint, med ein kroppstemperatur på rundt 26 grader då han vart funnen. – Legen trur Olav var ute frå klokka halv fire om natta, fortel Anne Egeb
|
Hovudpersonen sjølv hugsar ikkje så mykje frå hendinga som sette ein støkk i ei heil bygd. Men mor Anne Egebjerg, som opplevde det verste marerittet då ho oppdaga at sonen ikkje var i senga si om morgonen, hugsar alt.Rask reaksjon
Då ho skulle vekkja sonen klokka seks om morgonen, var han ikkje i senga si. Heller ikkje i kjellaren eller andre stader i huset i Postvegen. Men verandadøra stod open, og det var isande ti kuldegrader ute. Olav hadde bestemt seg for å ta ein tur ut. – Blei du lei deg då, spør Olav mor si. Og får til svar at jo, sidan ho skjønte at fire-åringen ikkje hadde korkje sko eller klede på seg, så vart ho svært redd. Og ringte lensmannen med ein gong. Etter ein halvtime var søket etter Olav i gang, og sjølv om Anne i ettertid ser at det var svært raskt, snigla minutta seg fram då. Ho sjølv var mest redd for at han var ved fossen og bad leitemannskapa om å sjå etter der. Fem over halv åtte fann Morten Aarhus Olav liggjande ved ei trapp nærare sentrum. Kort etter var Olav i luftambulansen saman med mora på veg til Stavanger. Den turen hugsar Olav ingenting frå, og det er han lei seg for. Men legane i Sea-Kingen fekk han treffa dagen etter.
« Tilbake
|
|
MEININGSMÅLING
|
Ingen aktive
|
|
