Grensa for fredingssona er markert med boltar (her markert med kraftig oransje farge). Oddvin Marvik meiner denne grensa bør utvidast. Foto: Privat.

Vil ikkje fisket til livs
Fylkesmannen i Rogaland og Direktoratet for naturforvaltning (DN) er samde i at det utifrå eit føre-var-prinsipp må skjerpast inn på fisket i Suldalslågen i forhold til det styret i Suldalslågens forvaltningslag har foreslått, men å utvida fredingssona rundt Sandsfossen er ikkje eit tiltak som blir nemnt hjå dei.
        Det aktuelle området under Sandsfossen er eigd av Sand laksefiske. Marvik fortel at dagens fredingssone er eit resultat av ein avtale som blei inngått i 1985. Avtalen er i følgje Trond Erik Børresen ved Fylkesmannens miljøvernavdeling inngått med DN.
        – Ein avtale er ein avtale, og det er greitt nok. Eg vil absolutt ikkje at Sand laksefiske skal mista fisket sitt, men det bør gjerast justeringar, spesielt ved laksetrappa, seier han.
        Vedkommande som sit på saka i DN har ikkje vore tilgjengeleg for kommentar, og Suldalsposten kjem tilbake til saka.