 |
Hovudsida
Kva skjer?
Aktuelt
Suldalsposten
Anna
|
|
Heiplanen
Trine Lunde, 06.03.10
Arbeidet med heiplanen går sin gang, og torsdag var prosjektleiar John Jastrey på Sand for å gi og ta imot informasjon om arbeidet. Han konstaterte at det var lite uro rundt planen i Suldal i forhold til i Setesdal-området.
|
|
John Jastrey kunne konstatera atskillig lågare skuldrer hjå partane i Suldal enn på austsida av fjellet. I Agder-fylka er heiplanarbeidet atskillig meir betent.
|
Tidlegare naturforvaltar i Suldal, John Jastrey, er prosjektleiar for arbeidet med heiplanen. Han orienterte om stoda i planarbeidet. – Dette er det største og mest kompliserte vepsebolet eg har stukke hovudet inn i, og det med størst opning, kommenterte han om prosjektet. Planprogrammet
Det er utarbeidd eit planprogram for heiplanen. Dette kan ifølgje Jastrey samanliknast med ei oppskrift på korleis det vidare planarbeidet skal vera. Dette er eit omfattande dokument. – I planprogrammet er det kasta mange ballar opp i lufta, og mange av dei vil aldri komma ned att, repliserte han til det.
Dette planprogrammet skal opp til handsaming i dei fem aktuelle fylkestinga i april, og etter det kan det vidare planarbeidet starta. Målet er at planen skal vera ferdig i 2012. Målet
Heiplanen skal i første rekkje sikra villreinen sitt leveområde. Dessutan skal den gi føringar for utvikling av fjellområda, og den skal sikra at kommunane sitt arealplanarbeid og næringsutvikling blir føreseieleg.
Jastrey gjentok det han sa på informasjonsmøtet på Nesflaten 17. november i fjor, at det ikkje er snakk om eit vern etter naturvernlova, og at det ikkje vil vera like reglar her som inne i dei verna heiområda. Les meir i papir/pdf-utgåva
« Tilbake
|
|
MEININGSMÅLING
|
Ingen aktive
|
|
