 |
Hovudsida
Kva skjer?
Aktuelt
Suldalsposten
Anna
|
|
Framtid i fortida
Karsten Mikkelsen, 06.03.10
Hiimsmoenkollektivet restaurerer for tida det gamle lakseslottet på eigedommen tilbake til fordums prakt.
|
|
Presisjon og tålmod må til når Toralf Pedersen produserer dei staselege søylene.
|
Den staselege gamle bygningen har tidlegare vore lite brukt av kollektivet, men etter omfattande oppussingsarbeid innvendig dei siste åra, rommar huset nå både trivelege moderne kontor, storkjøkken og festsal og er blitt eit funksjonelt og viktig bygg i drifta av kollektivet.
Fasaden har lenge vore prega av forfall, og når tida nå var inne til utbetring, følgjer kollektivet same mal som dei brukte då dei pussa opp Fargeriet kafé og gardsbruket dei har disponert på Nevøy, og satsar ikkje brtre på reparasjon og utbetring, men full restaurering.Tradisjonelt handverk
Huset består eigentleg av tre deler. Lakseslott og våningshus for tenestefolk som er oppført i slutten av 1880-åra, og eit mellombygg som føyer desse to saman.
Slottet blei oppført med åpne baldakiner i 2 etasjar på to sider av huset. Desse blir nå bygd opp igjen på tradisjonelt vis med såkalla franske låsar og trekilar til å føya saman dragarar og reisverk i staden for spiker og boltar. Alle søyler er kunstferdig utforma på same vis som dei opphavlege søylegangane.
Så når KV-bygg kring påsketider blir ferdig med jobben, vil den ”falleferdige gamle rønna” atter framstå som eit praktbygg frå farne tider.
« Tilbake
|
|
MEININGSMÅLING
|
Ingen aktive
|
|
