Det er fort gjort å bli ein fargeklatt om ein legg seg ut med Svein Carlos Gjil i Jøsenfjorden. Paintball er eit populært tilbod på Gjil Aktivitetssenter. Foto: Karsten Mikkelsen

Karibisk segling gjennom suldalsbyrå
Kva har ein karibisk segleklubb med Suldal å gjera ? Fellesnemnaren er Ryfylke reisebyrå og avdelingsleiar Christina Marvik, som legg til rette for delar av turen.
Mannen bak segledraumen er Morten Wichstrøm. Ein mann med lang segleerfaring, i tillegg til mykje reisekunnskap frå yrket som purser på fly. Denne erfaringa bruker han til å arrangera og tilby feriereiser med seglbåt. Wichstrøm har seks seglbåtar i Karibien, store båtar med god plass til fleire reisande.

Sykkelferie er for alle
Du treng ikkje vera topptrent for å dra på sykkelferie, og eigen sykkel treng du heller ikkje ha med.
Kjersti Johnsen på Sand har sykla med småbarn og med vaksne, på uorganiserte turar og på pakketur. – Då ungane var små, drog me på sykkeltur til Danmark. Det er eit godt land å øva seg i, avstandane er små og det er kort mellom overnattingsmuligheitene, seier ho og legg til at for ungar kan båtturen til Stavanger, toget til Kristiansand og ferja til Danmark òg vera ei stor oppleving. Små barn syklar korte avstandar med mange stopp. Men å sykla på dei danske strendene er tungt, så det er noko ho ikkje anbefalar.

Frå rektor til reiseliv
Bente Thurmann-Nielsen har gått frå rektorgjerninga til å spreia gode utanlandsopplevingar, og det er i Italia ho har hjartet sitt. Nå er det som reisearrangør gjennom eige firma, Tiramisu, ho brukar tida si. Det er den italienske desserten Tiramisu som har gitt firmaet namnet. Tiramisu betyr løft meg opp. – Eg ønskjer å spreia gode opplevingar og visa kor fine andre land er.

Turist i eiga heimbygd
Kva med å utfordra sitt inste vanedyr med å prøva turistmodusen i sitt eige Suldal? Tenk å bestilla eit hotellrom og ta eit par cocktails i baren før middagen. Eller å få guida omvising i kyrkja på Jelsa, med innlagt badetur etterpå med nistekorg, store handklede og badeball. Du kan ta med familien på fisketur til Vatlandsvåg, trø i sandalene og fara til Li-tunet. Eller ta Dampen på Suldalsvatnet ein solblank dag og stoppa for vaffel og kaffi på Kolbeinstveit. Har du kjørt gjennom Erfjord ein vårdag på jakt etter sjølukta og glatte steinar i fjøra? Eller kva med å ta vegen til Nesflaten og Kilen, siga gjennom funkis-feltet, vidare gjennom tunnelen og innover til Bråtveit. Oppover til grønne, fagre Mostøl. Du kan drikka kvitvin under eit tre du alltid berre har sett på avstand frå vegen, ta med frukosten ned til breidda av Suldalslågen, eller kjøpa deg softis hjå Ronæs og setja deg putt ned på ei solvarm trapp i Gata på Sand.

Les meir i papir-/pdf-utgåva