 |
Hovudsida
Kva skjer?
Aktuelt
Suldalsposten
Anna
|
|
Perla i Ryfylke-heiane
Ane Foldøy, 07.07.10
Den nye Stranddalshytta markerte 5-årsjubileum i helga med god mat og drikke, musikk og skattejakt for sine mange gjester, nøye overvaka av Stranddalsgubben.
|
|
Brørne Christian (12), Thomas (5) og Alexander (10) T. Munthe er ofte på tur til Stranddalen, og i helga sov dei i lavvo med besteforeldra sine. – Me likar å gå på tur og å fiska. Og så er det kjekt her sidan me alltid blir kjent med nye folk.
|
– Me har feira med eplemost i champagneglas, flagg på bordet, felespeling til middagen og skattejakt for ungane, fortel Solfrid Moen som arbeider mesteparten av sommaren på Stranddalshytta kvar einaste sommar. – Til og med ferske jordbær frå Jelsa fekk gjestene då kløvhesten vår kom, og det er ikkje kvardagskost, legg ho til.
Rundt 60 våte gjester kom fram laurdag og overnatta til søndag. – Stort sett er det folk frå Stavanger og Nord-Jæren som kjem hit. Det er lite folk frå Haugalandet sjølv om mange av dei har hytter på Gullingen, seier Moen som trur det skuldast at hytta høyrer til Stavanger Turistforening. Sommarjobb
– Eg har gledd meg i eit heilt år til å komma tilbake til Stranddalshytta, seier Kjersti Økland Kvadsheim som jobbar der for andre året på rad, og det blir ikkje den siste forstår me. Kjersti har nemleg alltid vore glad i fjellet og har lenge drøymt om å tilbringa ein heil sommar der.– Alt med jobben er kjekt. Plassen, folka, atmosfæren og dessutan er det eit variert arbeid, slår ho fast. Kollega Solfrid Moen legg til at det viktigaste er at ein må trivast med å vera saman med menneske, og la gjestene føla seg velkomne.
Saman likar dei å laga god gammaldags mat som komla, reinsdyrsteik, laks, rømmegraut og kjøttkaker. – Det er ikkje akkurat gourmetmat, men det er god norsk mat som folk gjerne ikkje har tid til å laga i kvardagen lenger, trur Moen som legg til at dei prøvar å bruka mykje lokalmat også.
« Tilbake
|
|
MEININGSMÅLING
|
Ingen aktive
|
|
