|
|
|
|
|
|
|
Innbrot i einebustad Torkel Schibevaag, 14.07.10 Fredag vart familien Langenberg utsett for innbrot i einebustaden sin i Sandsbygda. Først i går, tysdag, fekk dei melda saka til politiet i Suldal.
– Me opna eit skap, og der var alt borte, forklarar dei to. Eit videokamera, eit spegelreflekskamera, ein kikkert, to digitalkamera og smykke som var arvegods, hadde tjuvane stole med seg. Huset hadde vore tomt få timar. Dei trur tjuvane kom seg inn gjennom eit vindauge nede, som var lukka, men ikkje låst. Forsynt seg grovt av eigedelane til familien Langenberg medan dei ikkje var heime, for så å spasera ut terrassedøra. – Merkjeleg at noko slikt skjer i Suldal, seier Alfred Langenberg. Som òg har ringt politiet, men blei sett over til Haugesund. Der fekk dei beskjed om å melda det hos lensmannen i Suldal på tysdag. Dei synest det er rart at det skal ta så lang tid. – Det verste er at nokon har brote seg inn og gått rundt i huset vårt, seier dei to og er einige om at det ikkje blir lett å forlate ungane heime for å gjera eit lite ærend framover. Ungane våre har også blitt veldig redde og slit med å sova, fortel foreldra. Dei har lyst til å finna ut kven som har gjort det og ber om tips om nokon har sett eller veit noko. Thomas Breivik ved Suldal lensmannskontor seier at saka vil bli etterforska. « Tilbake |
 |
MEININGSMÅLING 
|
|||||||||||||||||||||||||||||||||||||||||||||
|
||||||||||||||||||||||||||||||||||||||||||||||||
