Kirsten Vigre meiner heile kommunen vil tapa om det ikkje er nokon som tar over arbeids-oppgåvene ho har hatt i prosjektstillinga. Kva ho skal til med vidare, er ho ikkje sikker på. Men det blir ikkje ei prosjektstilling, seier ho bestemt.

Til fellesskap
I byrjinga arbeidde Vigre mykje med kvar enkelt butikk i sentrum. Mest for å få til eit fellesskap i handelsstanden. Frukostmøte med drøs før butikkane opna meiner ho bestemt bidrog til at dei næringsdrivande kom meir i kontakt med kvarandre, enn eit enkelt nikk på veg til jobb.
        – Slikt skaper trivsel. Me må tenkja heilskap og ikkje berre på den enkelte butikken, meiner ho. Etter kvart har ulike arrangement og koordinering av oppgåver tatt stadig meir tid. Mykje meir enn den halve stillinga ho er tilsett i, medgir ho. Men det gav resultat. Sandsgruppa auka i denne perioden medlemstal frå 12 til 29.

Samkjørte om sentrumsleiar

Sandsgruppa, saman med Suldal handel og industri (SHI) har sidan tidleg i år arbeidd med å finansiera ei sentrumsleiarstilling frå 2011.
Det opplyser leiaren i Sandsgruppa, Sølve Myrvang. Nå er han 99 prosent sikker på at stillinga vil vera oppe og gå frå nyttår av. Uvissa ligg rundt finansieringa og er knytt til kor vidt Suldal kommune legg inn midlar i budsjettet til å finansiera sin tredel av det sentrumsleiarstillinga vil kosta. Resten av finansieringa er allereie klarert med SHI og Suldal Vekst som dekkjer resten av stillinga, med ein tredjepart kvar. Det har allereie vore møte med både administrasjonen og politisk leiing i kommunen i saka.

Les meir i papir-/pdf-utgåva