Store kjøretøy brukar heile vegbreidda når dei kjører inn på brua frå den knappe svingen mot nord.

– Det er ei klype, til å vera riksveg, seier nabo til brua, Åsmund Roalkvam. Ein stor bil dekkjer 3,5 meter av vegbanen som er fem meter brei, pluss speglane. Kjem det ein liten bil samstundes på brua, så er det så vidt det sniglar forbi, meiner han. – Og går det nokon med ei barnevogn og kanskje ein liten på sykkel, så er det farleg. – Me ønskjer gangbru som gåande kan bruka. Når ferjetrafikken går forbi, så er det ikkje greitt. Og nå når det også er anleggstrafikk i samband med Osberg- utbygginga, så er det ikkje verandes her, understrekar Roalkvam.

Byggjeleiar i Statens Vegvesen, Frank Laugaland, kan ikkje lova noka løysing for dei gåande på brua i Hålandsosen. Tvert om seier han at det ikkje er planar om å gjera noko anna enn å setja opp nytt rekkverk på brua.

Les meir i papir-/pdf-utgåva