Kloring
Suldal kommune skriv på nettsidene sine at dei derfor set i gang med desinfisering av høgdebassenget i Kariåsen ved å tilsetja klor (natriumhypokloritt) onsdag 21. juli. Dette vil dei gjera ved såkalla lågklordosering, noko som gjer at vatnet frå bassenget likevel kan gå rett ut i vassnettet og til forbrukarane.
Kommunen understrekar at sjølv om dette vil gjera at vatnet luktar og smakar klor, kan vatnet framleis nyttast til kropps- og husvask og andre gjeremål utan at det får helsemessige eller bruksmessige følgjer. Men vatnet må framleis kokast om ein skal drikka det.

Nye prøvar
Kommunen skriv vidare at dei vil halda fram med å ta nye prøvar, og då i eit større omfang enn til nå. Mattilsynet krev to etterfølgjande bakteriefrie prøvar før kokepåbodet kan avblåsast, og kommunen ber dei som har kommunal vassforsyning på Suldalsosen om å følgja med på kommunen sine nettsider for oppdatert informasjon om situasjonen.