Tom Arne Haugland har roa ned pulsen etter laksefangsten på 10,1 kilo. – Ny personleg rekord. Målet med heile turen er i grunnen nådd, seier ein svært nøgd fiskar.

På spinner
Haugland tok laksen på ein spinner, etter å ha starta friskt ut med flue. Førstnemnde skal etter seiande gå lenger ned i straumen. Og det tok ikkje lange tida å få napp. ­ ­
        – Når laksen først er kommen på kroken, er det adrenalinet som rår i fiskaren, fortel fiskarane. Derfor er det lett å gløyma både tid og stad. Men Haugland var ikkje lenge om å digitalisera fangsten på næraste mobilkamera, derfor veit han at fisken var på land kvart over elleve tysdag føremiddag. Fiskarkollega Morten Kambe hjelpte til med å få fisken på land, etter det dei trur var om lag eit kvarters kamp frå fisken si side. Vel oppe ser dei at fisken er klipt i feittfinnen. Det vil seia at den kjem frå Klekkjeriet på Førland og den treng derfor ikkje setjast ut att i elva.
– Berre synd det var Tor Arne som fekk fisken, dette kjem me til å høyra om lenge, let det frå eine kanten.

Les meir i papir-/pdf-utgåva