 |
Hovudsida
Kva skjer?
Aktuelt
Suldalsposten
Anna
|
|
Næringsutviklingsarbeidet:
– Må rasjonalisera meir
Gro Helland/Esther Moe, 28.07.10
Endå er det for mange aktørar innan næringsutviklinga i Suldal, meiner Nils Paul Fisketjøn, som nå føreslår å slå saman sentrumsleiaren og grendeutvalsekretærane til ei stilling.
|
|
Nils Paul Fisketjøn meiner alle må tenkja nytt og finna gode løysingar når næringsarbeidet skal formast. Også for å hjelpa kommunen til å spara pengar. Arkivfoto
|
Han er heilt på det reine med at det er gjort innskrenkingar i både kommunen og næringsutviklingsarbeidet, men kan ikkje sjå at det har fått konsekvensar, ut over at reiselivslaget er smelta inn i Suldal Vekst. Han er sjølv medlem av Suldal Reiselivslag, medlem av Suldal Handel og Industriforening og har aksjar i Suldal Vekst. – Eg trur me har meir å henta og hadde håpt at fleire funksjonar skulle smelta meir saman. Me sit ennå på for mange forskjellige haugar og kavar, kvart med vårt, seier han. – Skeptisk til blanda funksjonar Sølve Myrvang er leiar i Sandsgruppa som er ei undergruppe av Suldal Handel og- Industriforening. (SHI). Han kjenner synspunkta til Fisketjøn. Men han er skeptisk til tanken om å blanda funksjonane som sentrumsleiar og grendeutvalssekretariat i ei og samme stilling og viser til at utvala er politiske.
– Årsmøtevedtaket til SHI seier at me skal ta ein gjennomgang av organiseringa i løpet av året. Blant anna er det sagt at me skal sjå på ei eventuell samanslåing av Reiselivslaget og SHI. Men det er ingenting nå som tilseier at me gjer endringar på Sandsgruppa, seier Myrvang som heller ikkje ser det store behovet for ytterlegare rasjonalisering i næringslivsarbeidet.
« Tilbake
|
|
MEININGSMÅLING
|
Ingen aktive
|
|
