Når den nye delen kjem, blir den først tatt imot med jorda krokar fordi den får indusert spenning frå den eksisterande kraftlinja som går parallelt.

Ho har kjørt vegen mange gonger før, men utbrotet kjem likevel. Sola skin for første gong på fleire dagar, og dei grøne fjella skjer ein fin kontrast mot ein blå himmel. Men det er ikkje berre estetikken som nyt godt av godvêret.
        Tåka og skyene dei siste dagane har halde helikopteret på bakken, og arbeidet med kraftlinja tilbake. – Me brukar helikopteret til nærmast alt, fortel Svenning. – Det tar utstyr og somme tider mannskap opp i fjellet, men brukast òg til støypinga av fundamenta til mastene og ikkje minst i løftinga og monteringa av mastene.
        Så når arbeidet endeleg kunne komma i gang igjen er det ikkje rart at me ikkje fann nokon igjen på prosjektkontoret som dei forskjellige entreprenørane deler med Suldal Billag på Suldalsosen. Einaste som sit igjen der er Per Arne Fisketjøn som kan fortelja om ei trykka stemning på kontora til Dalekovod, entreprenøren som byggjer kraftlinja, desse dagane med tåke og opphald i monteringa.
         – Det har nok vore fleire dagar med dårleg vêr enn dei venta, seier Svenning og legg til at det kroatiske selskapet er forsiktige med å senda folk ut i skodde og vind, kanskje meir forsiktige enn norske firma ville ha vore. – Kanskje me har skremt dei av med åtvaringane våre om norske høve og skiftande vêr, ler ho.

Les meir i papir-/pdf-utgåva