Abonnementsvilkår
Vilkåra gjeld for bestilling og bruk av abonnement på Suldalsposten, som samarbeider med Mentor Medier. Som abonnent på Suldalsposten har du tilgang til alt innhald i elektronisk utgåve (eAvis) og nettavisa. Du får tilgang til digitale arkiv tilbake til 1959. For å få tilgang til alt innhald digitalt frå Suldalsposten, må du registrera deg som digital brukar her. Det gjer du ved å fylla inn dine personlege opplysingar og velja brukarnamn og passord. Gjennom Suldalsposten – mi side kan du administrera abonnementet ditt.Vilkåra gjeld for både privat- og bedriftskundar.
Transaksjonen vert gjort med:
Suldalsposten AS
Postadresse: Nordenden 2, 4230 Sand
Tlf: 40 20 42 42
Foretaksreg: NO 971511648 MVA
E-post: abonnement@suldalsposten.no
Bankkontonummer: 32022025243
1. Abonnement
Abonnementet vert betalt på forskot og held fram til me mottek oppseiing, og uansett ut den betalte perioden. Ved slutten av ein abonnementsperiode vil abonnementet automatisk bli forlenga med ei lengd lik førre periode. Abonnementet skal betalast innan forfallsdatoen på fakturaen. Kjem betalinga for seint, vil den gjeldande lovbestemte forseinkingsrenta verta lagd til. Dersom tilsendt inkassovarsel ikkje vert betalt innan opplyst betalingsfrist, vert kravet sendt til inkasso, og lovheimla inkassokostnader kan koma i tillegg.
2. Varigheit og oppseiing
Abonnementet ditt vert fornya automatisk. Abonnementet vert fornya med den perioden som vart opplyst i kjøpsaugneblinken. Abonnement kan når som helst seiast opp med verknad frå neste abonnementsperiode, men seinast innan 3 dagar før ny abonnementsperiode startar. Ved oppseiing gjeld abonnementet ut perioden du har betalt for, men vert ikkje fornya. Eventuelt attståande beløp vert ikkje refundert. Ei oppseiing må rettast til vårt kundesenter på e-post eller telefon, eller gjennomførast på Mi side under «Sei opp abonnement». Ved manglande betaling blir den digitale tilgangen stoppa. Lov om angrerett gjeld.
3. Prisar
Sjå gjeldande prisar her.
Ynskjer du faktura i posten, vert det lagt til eit gebyr på kr 35,- per faktura. Ved betaling med Avtalegiro, E-faktura, Vipps eller kort er det ingen gebyr. Oppretting av AvtaleGiro vert gjort på Mi Side (menyval "Abonnement") eller via din bank. Suldalsposten tek atterhald om når som helst å endra prisen på det løpande abonnementet. Dei nye prisane vert kunngjort i avisa og på heimesida, seinast 14 dagar før iverksetjing. Dei nye prisane gjeld frå fastsett dato for alle typar abonnement.
4. Betaling
Du kan kjøpa abonnement på Suldalsposten på suldalsposten.no ved å bruka Vipps, bankkort/kredittkort eller få tilsendt faktura. Ved Vipps eller kortbetaling vert kortet du registrerer, trekt for ein ny periode til du seier opp abonnementet hjå oss. Suldalsposten nyttar elektronisk betalingsløysing gjennom Vipps eller PayEx. Les meir om Vipps her. PayEx støttar Verified by Visa-standarden. Les meir om PayEx på www.payex.no. Betalingssidene er sikra med SSL-sertifikat. Les meir på Let's Encrypt. Det betyr at du som kunde har ekstra sikkerheit ved betaling hjå Suldalsposten. For kjøp i andre salskanalar kan faktura eller elektronisk bankbetaling nyttast. Dersom innbetaling ikkje skjer, har Suldalsposten høve til å lukka tilgangen og stoppa avisleveringa med det same.
5. Angrerett
Ved kjøp av abonnement hjå Suldalsposten har du angrerett i samsvar med lov om angrerett. Du mottek angrerettsskjema i samband med bestillinga, og kan gå frå avtalen ved å returnera utfylt angrerettsskjema til kundesenteret vårt innan 14 dagar etter at skjemaet er motteke.
6. Reklamasjon og reklamasjonsfrist – abonnenten sine rettar
Dersom det er ein mangel ved abonnementstenesta, må abonnenten innan 14 dagar etter at mangelen vart oppdaga eller burde ha vorte oppdaga, gje Suldalsposten melding om at abonnenten vil klaga på mangelen. Det gjer ein ved å ta kontakt med kundeservice abonnement@suldalsposten.no
7. Konfliktløysing
Eventuelle klagar rettast til Suldalsposten innan rimeleg tid, jf. punkt 5 og 6. Partane skal freista å løysa eventuelle tvistar med god vilje. Dersom dette ikkje lukkast, kan abonnenten ta kontakt med Forbrukertilsynet for mekling. Forbrukertilsynet er tilgjengeleg på telefon 23 40 06 00.
8. Levering
Suldalsposten har ikkje papirutgåve.
9. Mi Side
På Suldalsposten si nettside kan du på Mi Side administrera abonnementet ditt. For å kunna bruka Mi Side, må du logga deg inn med brukarnamn og passord.Her kan du: Sjå betalingsopplysingane dine– Endra betalingsmåte og oppdatera kredittkortopplysingar– Oppretta Avtalegiro-avtale– Senda oss ei melding
10. Brukartilgang
Den juridiske eigaren av abonnementet er han som har teikna det. Abonnenten kan vera innlogga på inntil fem einingar samstundes.Brukarnamn og passord til avisa sine digitale tenester må ikkje delast med andre enn medlem av abonnenten sin husstand, som bur på same adresse. Dersom abonnenten deler brukarnamn og passord med andre, eller på annan måte misbrukar Suldalsposten sine tenester, har Suldalsposten rett til straks å stengja abonnenten sin tilgang til desse tenestene utan refusjon av innbetalt abonnementsbetaling.
11. Rettar
Som tingar av Suldalsposten har du tilgang til alt materiale, medrekna tekstar, artiklar, nyhende, foto og video, grafikk og anna som er publisert av Suldalsposten. Du kan lasta ned og/eller skriva ut ein enkel kopi av materialet berre til eige bruk. Avfotografering, nedlasting eller kopiering med tanke på gjenbruk er ikkje tillate.
12. Informasjonskapslar
Her kan du lesa om vår cookiepolicy
13. Handsaming av personopplysingar
Ved å akseptera desse brukarvilkåra samtykkjer du til at Suldalsposten kan handsama dine personopplysingar i tråd med retningsliner skildra i vår personvernerklæring
14. Kva informasjon samlar me inn?
Suldalsposten lagrar og brukar opplysingar om namn, fødselsdato, e-postadresse, gateadresse og telefonnummer, og opplysingar om eventuell annan rekningsbetalar. I tillegg vert informasjon om bruk av tenestene lagra, medrekna kva tenester du tingar, kva nettsider som vert besøkte, informasjon om geografisk posisjon og teknisk informasjon om di eining og internett-tilkopling. Suldalsposten kan velja å samanlikna trafikkdata som er tilgjengelege ved hjelp av cookies med informasjon frå brukarprofilen. Dette gjer me for å tilpassa innhald til ditt brukarmønster og gje deg ei best mogeleg brukaroppleving.
15. Kva brukar me dine opplysingar til?
Opplysingane vert nytta av Suldalsposten for å gjennomføra avtalen med deg og til å betra og vidareutvikla tenestene. Me handsamar òg personopplysingar for å få større kunnskap om brukarane våre, slik at me kan levera tenester, tilrådingar, innhald, annonsar og marknadsføring som er tilpassa dykk. I tillegg vil opplysingane kunna verta nytta til analyse for å forstå marknadstrendane og for å avgrensa misbruk av tenestene. Dine personopplysingar vert ikkje selde vidare og ikkje nytta til andre føremål utan samtykke til dette frå deg.
16. Deling av din informasjon
Suldalsposten kan dela opplysingar om din bruk av tenestene med andre selskap eigde av oss og dei avisene me har eit gjensidig partnarskap med. Føremålet er tilsvarande det me har skildra i desse avtalevilkåra. Opplysingane kan utleverast til tredjepart i den grad det er naudsynt for at Suldalsposten skal kunna gjennomføra avtalen med deg, eller i lovbestemte tilfelle.
17. Korleis kan du administrera eller sletta informasjon om deg sjølv?
Me lagrar ikkje personopplysingar lenger enn det som er naudsynt for å oppfylla føremålet med handsaminga. Du kan når som helst krevja innsyn i opplysingane og endra opplysingar på Mi side. Du kan også krevja at dei vert sletta, med mindre opplysingane er naudsynte for å gjennomføra avtaleforholdet mellom deg og Suldalsposten, eller opplysingane er lovpålagde. Ved å godkjenna desse vilkåra samtykker du også til vår personvernerklæring.
18. Samtykke til marknadsføring
Som aktiv og betalande kunde hos Suldalsposten vil me kunna ringa deg og senda deg tilbod og annan relevant informasjon basert på opplysingar me har om deg som kunde. Me reknar deg som ein aktiv kunde 365 dagar etter siste aktive abonnement. Marknadsføringa vil vera i form av nyhendebrev, e-post, SMS eller liknande, og kan innehalda tilbod og informasjon om tilsvarande produkt og tenester.Dersom du ikkje har eit aktivt kundeforhold til Suldalsposten, vil du berre motta elektronisk marknadsføring dersom du har gjeve særskilt samtykke til det. Dersom du ikkje ynskjer å motta slik marknadsføring, kan du reservera deg ved å klikka på lekken til avmelding i førespurnadene frå oss.
Dersom du har spørsmål til avtalen, er du velkomen til å ta kontakt med oss på telefon 40 20 42 42 og e-post abonnement@suldalsposten.no
19. Endring av vilkår
Abonnementsvilkåra kan verta endra, og dei til kvar tid gjeldande vilkåra er oppdaterte på www.suldalsposten.no
Sand, 12.10.2026