Smelta jernet
På uformelt, sjarmerande, musiserande vis presenterte kulturskulens musikkaktørar sine ferdigheiter i eige hus; Musikksmia.
Denne saka stod på trykk 4. november 2006
Han hadde nok følt seg heime der opningskvelden, den gamle huseigaren Johannes Tveitane. Smeden og felespelaren. Om han hadde menga seg med elevar, foreldre, lærarar, kulturskulerektor og ordførar under innviinga av kulturskulens nyerverva lokale.
Artikkelen held fram under annonsen.
Musikalsk opning
– Det er ingen ekstravaganse her, unnskylde kveldens ”dirigent”, Andreas Nielsen. Ein heilt unødvendig parentes. Kulturhusets nærmaste nabo er ganske frynsete i kantane, og følgjer for såvidt årets mote. Men kveldens aktørar la inn eit overbevisande utropsteikn til budsjettsøknaden om vedlikehaldsmidlar. For dei skein og demonstrerte til fulle kor vidtfemnande kulturskulen opptrer.
Trioen Anes Spahic, Jostein Roalkvam og Håkon Nielsen opna ballet før ordførar Hans Sæther avduka namneplatene som avslørte at også det gamle KonSul-huset er omdøypt til Kunstsmia der Nenad Ignatic styrer penseI og palett. Sidan overtok bokstaveleg tala dei yngste ved Aleksander Torsteinbø, Johannes Wigestrand og Steffan Beckstrøm pinnen og gav publikum ei innføring i slagverkets finesser og mulegheiter.
Finalen stod gruppa Sand Rock Ensemble for. Dei spela både eigenkomponert musikk og Metallica-låtar. Og sjølv med solide dottar i øyra må ein ha lov å kalla dei eit befriande tilskot til suldalskulturen.
