LESARBREV: Badetider på bassengbotn

No er badet godt igang og folk badar og koser seg i Suldal Bad. Vinterferien har starta og turistar, hyttebuarar og lokale strøymer til badeanlegget. Eg er på visitt i koselege Suldal denne vinteren, og ein tur innom badet er sjølvsagt. Eg våknar opp klar for eit herleg bad, turer til Eide rundt om klokka 10. Det er stengt. Ser på opningstidene og ser at det ikkje opnar før klokka 15.00.

Kva i alle dagar? Det er vinterferie, høgsesong for skituristar og badet opnar ikkje før klokka 15? Suldal Bad har slite økonomisk, og opnar når ein kvilar middag i ferien? Dei kan ikkje forventa å dekka over ekstrakostnadane og attpåtil bli det mest besøkte badeanlegget i Rogaland, dersom dei ikkje har ope når folk vil bada.

Kaisa Braut (14)

Kaisa Braut