Det blir lagt ut sørgeprotokoll på Kulturhuset

Sørgeprotokollen vil bli lagt ut klokka 14. 00 i foajeen på Kulturhuset i dag, og der blir det opne dører fram til klokka 18.00 i kveld, fredag.

Protokollen blir liggjande ut fram til gravferda

Der kan suldølen få uttrykkja si sorg og deltaking etter kong Haralds død i dag, og protokollen vil bli liggjande fram til gravferda, seier konst. kommunedirektør Turid Vaage. 

Ho fortel at det på kommunehuset vil bli flagga på halv stong til og med dagen for kong Haralds gravferd. Også rundt om på einingane som har flaggstong, blir det i dag flagga på halv stong, slik vil det også bli på gravferdsdagen. 

Nasjonal sørgeperiode 

Regjeringa har erklært nasjonal sørgeperiode frå i dag, fredag, til etter kong Haralds graveferd. I ei fråsegn frå Statsministerens kontor, heiter det at ein slik periode ikkje gjeld klart definerte reglar for sørgeperioden, også kalt landesorg. 

– Sorg er personleg, og det kan vere ulike behov og ønskjer knytte til markering av at kong Harald har gått bort. Me må som enkeltpersonar, familiar, lokalsamfunn, arbeidsplassar, organisasjonar og som land finna våre måtar å vise sorg og deltaking på, heiter det i ei fråsegn frå Statsministerens kontor.

Regjeringa har lagt ut ein rettleiar til sørgeperioden og den finn du HER.