Energiministeren: Enorm kraftetterspurnad til datasenter
Datasentera har den siste tida etterspurt enorme mengder kraft, ifølgje energiministeren. Nå vil han ta grep.
– Det er veldig bra at mange ønskjer å investera i Norge. Men når etterspurnadsveksten frå datasenter eksploderer såpass mykje, er det i nasjonal interesse at me klarer å tiltrekkja oss dei investeringane me treng, seier energiminister Terje Aasland (Ap) til E24.
Meir enn halve kapasiteten i systemet
Annonse
Sidan 1. februar har det komme førespurnader om heile 5000 megawatt kapasitet i nettet til datasenter – tilsvarande 14 prosent av kapasiteten i kraftsystemet, ifølgje Aasland.
Han seier at datasentera ønskjer om lag 20.000 megawatt kapasitet i det norske kraftnettet – som ifølgje han svarer til meir enn halve kapasiteten i systemet. Nå vurderer Aasland å prioritera datasenteraktørar direkte, framfor eigedomsutviklarar som ønskjer å førebu eigedommar og selja dei vidare til datasenter.
Trur tala er oppblåsne
Reynir Johannesson, dagleg leiar i Norsk datasenterindustri, trur tala er oppblåsne. Han seier at det er urealistisk at det skal byggjast ut forbruk på 5000 megawatt.
Annonse
Johannesson meiner at dersom det ikkje blir bygd ut meir produksjon, avgrensar det kor mykje som blir bygd ut av forbruk òg.
– Datasenter er førebels ein relativt liten forbrukar. Me anslår at datasenter kanskje kan bruka 10 prosent av krafta rundt 2040, dersom det får aksept hos folket og politikarane, seier han til E24.
(©NPK)
