SISTE: Islandshesten er funnen
Hesten blei funnen i fin form i området nær Gamlaskard. Eigaren er takknemleg ovanfor alle som har vore med å leita etter hesten i dag.
Islandshesten kom til rette i 19.30 tida, etter å ha vore på ein lengre fjelltur i Suldalsfjella i nærare tolv timar, fredag.
Det var tre hestar som var på hyttetur med eigaren sin frå Nedstrand, på heia i Suldal. I sekstida i dag tidleg oppdaga eigar at dei var vekke.
Artikkelen held fram under annonsen.
To av hestane kom raskt til rette. Den tredje, ein brun islandshest, var ikkje å finne, men den er nå altså tilbake hos eigar og dei to andre hestane.
