Raset på riksveg 13: Ny vurdering om opning klokka 15

Vegen der raset gjekk ved Breivika, mellom Erfjord og Lovraeid er framleis stengd.

Vegbanen er nå rydda, men mannskap er framleis i fjellsida og reinskar. Statens vegvesen har vore i samtale og bilde-dialog med geolog.

Innsnevra vegbane

– Me kjem til å ta ei ny vurdering av om vegen skal opnast klokka 15. Vegbanen er ferdig rydda, men me er i fjellsida og reinskar endå, seier Peer Einar Klungtveit. Han seier at vegbanen på staden, som er smal frå før, blir endå meir innsnevra nå etter skade på veg og autovern.