Snøskred stengde rv 13 gjennom Brattlandsdalen i helga
To store snøras og fare for for fleire ras gjorde at rv 13 mellom Nesflaten og Håra blei stengt frå natt til fredag og først opna igjen måndag føremiddag.
Skreda blei melde like før midnatt, natt til fredag. Det første raset gjekk ved Lonovatnet, det andre i sørenden av Røldalsvatnet.
Geolog på staden
Fredag blei det meldt at det ville bli nye vurderingar laurdag, men fasiten blei altså at det først blei opna måndag føremiddag, etter vurdering av geolog og synfaring frå byggherre.
Artikkelen held fram under annonsen.
Det blei ikkje meldt om sakna i rasa, men politiet kalte fredag natt ut redningsmannskap og naudetatar som etablerte seg både på Håra og på samfunnshuset på Nesflaten. Tidleg fredag morgon blei denne aksjonen avslutta og Statens vegvesen overtok det vidare arbeidet med raset.
