Statens vegvesen har justert stengjetidene i Rødsliane
Statens vegvesen har etter innspel frå ulikt hald valt å endra stengjetidene.
Det er stengjetidene på ettermiddagen, tida når det er jobb- og skuleslutt og skiftbyte, som nå er endra på.
Innspel frå fleire
Byggjeleiar Einar Stange i Statens vegvesen fortel at det både før og etter innføringa av stengjetidene måndag denne veka, har komme innspel på ønskte stengjetider. Norsk Stein, Suldal kommune og Kolumbus er nokre av dei som har gitt uttrykk for tidene som gir utfordringar.
Artikkelen held fram under annonsen.
– Me er opptatt av å ha høgast mogleg produksjon, seier Stange om reinskingsarbeidet i fjellpartiet over riksvegen. Han forstår at stenging gjer det utfordrande, men håpar nå at justeringa har gjort det betre for fleire.
Måndag til onsdag ope mellom kl. 15 og 16, torsdag ope frå kl. 15.00
Vegvesenet har nå endra stengjetidene. Måndag til onsdag vil vegen vera stengt mellom klokka 08.30 til 10.30, 11.30 til 15.00 og mellom klokka 16.00 til 17.30. Det vil seia at vegen er open mellom tre og fire på ettermiddagen.
Torsdagen er stenginga midt i dagen endra til klokka 11.30 til 15.00, morgonstenginga mellom klokka 08.30 og 10.30 er ikkje endra.
Frå klokka 07.00 om morgonen er det manuell dirigering, melder vegvesenet. For lette kjøretøy er det mogleg å nytta fylkesveg 4702 over heia for omkjøring.
