Nå er vegane opne og Hjelmelandssambandet i gang igjen
Også i Suldal og i området rundt oss, gjorde stormen Floris morgonen trøblete for trafikantar og reisande, men nå, tysdag ettermiddag, har det roa seg, vegar er rydda og opne igjen og ferja går som normalt.
Ved Ropeid hadde eit tre har blåst overende og sperra tidlegare begge felt.
Mange trefall og steinsprang
Annonse
Fylkesveg 4708 på Foreneset var tidlegare også stengt grunna eit steinsprang, men nå er også det rydda. Det var også i dag tidleg melding om eit steinsprang ved fylkeveg 46. Om det er rydda, har ikkje operatøren ved Vegtrafikksentralen heilt oversikt over nå klokka 11. 30, men ho har ikkje opplysningar om nokon veg som er stengt i Suldal nå som følge av dei mange steinspranga og trefalla stormen forårsaka i natt- og morgontimane. Ferjesambandet Nesvik-Hjelmeland blei innstilt i morgontimane, men det blei gjenopptatt frå klokka 09 i dag tidleg og går nå som normalt.
