Tek i bruk iPad-ar i undervisninga
Denne saka stod på trykk i avisa 26 oktober 2016.
Kven hadde vel ikkje gleda seg til å begynne på skulen igjen etter haustferien, om ei visste det stod Ipad på timeplanen nesten heile veka.
Elevane frå 4.-7. klasse ved Marvik skule gleda seg iallfall og var ganske så spente på kva skuleveka ville bringa. Skulen har nemleg kjøpt inn Ipader til alle, og det var dei eldste elevane som skulle ta i bruk og få opplæring på desse først. Etter litt tekniske problem i starten, losa instruktør Lotte Furuvik Sand, både elevar og læraren gjennom Ipaden sine mange flotte bruksområde. Elevane løyste dei mange oppgåvene ganske lett og var overraska over at Ipaden kunne brukast i nesten alle faga dei, til og med gym og kunst og handtverk. Mange nye uttrykk og symbol, dukka opp dei tre dagane som var sette av til opplæring. Eitt av dei mest brukte var ”eple opp”. Dette betydde at då skulle Ipadane leggjast på pulten med ”eple opp” og skjerm ned mot bordflata. Ipadane skal i første omgang brukast i undervisninga, men etter kvart også til lekser. Så kanskje det for enkelte endeleg blir kjekt med lekser.
Artikkelen held fram under annonsen.
