Fastelavn = bollar + krem

Foto: Siv H. R. Speth

Søndag er det fastelavn igjen. Denne bolledeigen kan godt doblast, for desse bollane går unna fortare enn svint!

Her er oppskrifta:

Rør og løys opp 50 gram gjær saman med

3-4 ts kardemomme

1ts salt

1,5 dl sukker

1,5 dl olje (soya/raps- ikkje oliven)

1 egg og

5 dl H-mjølk (lunka/fingervarm)

Elt 17 dl kveitemjøl godt inn i væska til deigen samlar seg mjuk og glatt rundt

eltekroken. Bruk kjøkkenmaskin. Deigen skal vera lett og litt klissete.

Artikkelen held fram under annonsen.

Velt deigen over på bakebordet og dekk den med ein dl kveitemjøl. Etterhev

til dobbel storleik. Du skal ikkje bruka meir mjøl! Deigen er nå laus og perfekt til utbaking. Bollane blir lette og luftige.

Fastelavn: N/A Foto: Siv H. R. Speth

Denne oppskrifta er nok til femten emne som skal trillast ut til rosin- eller vanlege bollar og femten litt større som eg klappar ut, fyller med ei stor spiseskei vaniljekrem og «knyter» tett saman til bollar med skøyten ned på steikebrettet.

Piano vaniljekrem frå butikken er god og heilt perfekt! Fastelavnsbollane skal ikkje penslast.

Etterhev i omlag 40 minutt på ein lun plass med klede over, og steik i forvarma omn på 225-250 grader i seks til ti minutt.

Del dei vanlege bollane i to og fyll med piska krem og ein klatt syltetøy,om du

ønskjer det, før servering. (Eller mandelmasse og krem.)

Eg toppar alle bollane, uansett innhald, med finsikta melis til årets store bollefest.

Foto: Siv H. R. Speth