Annonse

Knut Helland: – Me har vore på flyttetokt med to av ungane. Eldstedottera til Kristiansand, der ho skal gå på sjukepleien, og mellomste til Sauda på hybel der. Han har starta på vidaregåande. At to av tre nå er ute av huset, går greitt for far Knut. – Det er roleg i huset heime nå, og dei utflytta kosar seg der dei er. Sotra-tur har det blitt, med fjellturar, båtliv og kos med familien. Også eit restaurantbesøk til Bergen var det rom for. – Så har me vore på stølen, det er alltid kos, og me vore med i slåtten heima. — Kva har du funne på i sommar?

Odd Rune Malerbakken: – Me har fare opp og ned på nutar, seier sandbuen, som er inne i si siste ferieveke. Med me meiner han kona Anne og hunden Pepsi, som har lagt seg ned ved føtene til matfar. Dei har alle tre blitt nutfantar, men Malerbakken legg til at det ikkje var på 24 timar som fjellfriskusane gjorde tidlegare denne månaden. – Me tar heilårsvarianten, smiler han, dei same gamle nutane og nå finn me lett fram. Favoritten må bli Onglanuten, og då med Skuteheia inkludert. – Det er ein fin tur. Elles har det blitt lite farting i sommar. Besøk av barn og barnebarn heime på Sand har gitt flotte dagar. Ei hotellovernattingsgåve på Sola Strandhotell, som Anne fekk av familie, har blitt den lengste sommarturen i år. Den enda med ein Ikea-tur som igjen førte til ny stove. — Kva har du funne på i sommar?

Siv Rørvig Speth: – I fjor var målet Lofoten med bubil. Ferieforma gav meirsmak, så me leigde oss bubil for ei veke, og drog mot sør denne sommaren. Lindesnes var målet, og me følgde Nordsjøvegen. Me var innom flotte strender og alle fyra langs vegen. Dette svarte absolutt til forventningane våre. Sjølve Lindesnes fyr var veldig interessant, der var det ei eiga fyrutstilling. I tillegg heldt ein skjergardsmalar til der, han hadde utstilling og mykje spennande å fortelja om bilda sine. Og sjølvsagt blei det handel. I Mandal møtte me barn og barnebarn, og me blei alle imponerte over kor mykje aktivitet det var for store og små i den vesle byen, som faktisk minner mykje om Sand. Mandal trebåt- og motorforening hadde blant anna ei veldig kjekk og levande utstilling.Det å skapa liv og røre i sentrum er heilt nødvendig for å vera ein attraktiv handelsstad for fastbuande og tilreisande. Eg har stor tru på «Fjordafart Anløb Sand» her hjå oss. Elles har me hatt familiebesøk av Nane og Neni frå Sveits, besteforeldra til våre tre barnebarn. Eit rørande og kjekt møte. Sist dei var fysisk saman, var i 2019, før koronaen. Og yngstedotter frå Oslo kom med vennefamilie på tre frå Polen i to-tre dagar (alle med koronapass). Fantastisk kjekt. Då serverte eg den beste og ferskaste villaks, heilsteikt med tilbehøyr, trekt opp frå fjorden eit par dagar før av den unge fiskaren Martin Marvik. — Kva har du funne på i sommar?

Tre på Torjå på Sand

Marta-Brit Lunde

Marta-Brit Lunde Journalist

Siri Førland

Siri Førland Grafisk formgivar

Publisert 19.08.2021 - 11:05 Sist oppdatert 19.08.2021 - 11:06

5 kr for 5 veker
Deretter 155,- / mnd

UNG
u/33 år
100,- /mnd

Student/lærling/militær

GRATIS

Er du student, lærling eller i militæret, heimehøyrande i Suldal og i tillegg er under 28 år og busett utanfor kommunen? Då kan du få din digitale tilgang betalt av Suldal kommune.

REGISTRER DEG

Sjå resten av våre tilbod

Allerede abonnent? Logg inn her

biletseriar kultur bildeseriar

Annonse

Annonse

Powered by Labrador CMS